Ud gaye baalo-par udanon mein

 Ud ge baalo-par udanon mein  

sar patakte hain aashiyanon mein 

kat gaye baalo-par, magar hamane

Naksh chhode hain aasamaanon mein

Jal uthenge charaag pal mein vo

shiddatein chahiye taraanon mein

Nazare baazaar ho gaye rishte

Ghar badalne lage dukaanon mein

Dharm ke nam par hua paakhand

Log jeete hain kin gumaanon mein

Valvale so ge javaani ke

 Josh baqi nahin javaanon mein

Badh ge swarth is kadar ‘Devi’

 Ek ghar bant gaya gharaanon mein

Leave a Comment