Kisi puraani yaad ki syaahi lagi thi shaayad
Kuchh tinke jinhein hawaa laayi thi, wo laute nahi
Unhein meri udaasi ki raunak apni si lagi shaayad
Bujhaa hua sa dil dafaatan, youn hi bhadak uthha
Guzre waqt ki ek aarzoo, dil mein dabi thi shaayad
Muskuraane lage wo, aahein bharne ki jagaha
Ishq ke kante ki chubhan, reshmi si lagi shaayad
Meri khushiyon mein bhi wo, khushnuma na nazar aaye
Aankhon ke kor mein dekhi, unhone chhupi nami shaayad