Tumne zindagi dee hai

By Prashant V Shrivastava on November 30, 2010 • ( 0 )

Prashant Shrivastava

Tumne hemien apnaakar, jo yeh khushii dee hai
zinda to the hum lekin, tumne zindagi dee hai

humne jo bhi geet likhe
sirf tumko soch ke
tumko khone ka dar tha
isiliye khaamosh the
tum haare izhaar ne, aarzu ko zamein dee hai
zinda to the hum lekin, tumne zindagi dee hai

aate jaate milte the
humse kitne hi sapne
sirf khayaal tumhaare hi
aankhon mein lage basne
tumhaare deedaar ne, aankhon ko raushni dee hai
zinda to the hum lekin, tumne zindagi dee hai