by Prashant Shrivastava
Tumhaare ashq sabhi, peene ka shauq rakhte haiN
Ishq ke mausam mein, jeene ka shauq rakhte haiN
Tumhara rang nigaahoN mein, khushboo saansoN meinN
Aise hi duniyaa mein, rehne ka shauq rakhte haiN
Ho bhale laakhon ghum, par ho parwaah nahi
Hum hawaaoN ki tarhaa, udne ka shauq rakhte haiN
Tere bakhshe hue ghum, sehne mein lutf aata hai
Tere sitam ko adaa, kehne ka shauq rakhte haiN
Too ne maane na sahi, hum tere parwaane the
Khair fir bhi tujhi se, jalne ka shauq rakhte haiN