mei tere aaghosh mei zindagi ko mehkana chahti hu

mai tere aagosh mein - by Ritu Roy
mai tere aagosh mein - by Ritu Roy

mei tere aaghosh mei zindagi ko mehkana chahti hu
prem ke naye taar se iss rishte ko sajana chahti hu

shaam ki laali laayi hei aaj nayi si madhosiyaan
tutt ke teri baahon mein phir bikharna chahti hu

aashmaan ki chahat karte honge udte huve parinde
mein toe tere dil ke kone mein chup jana chahti hu

aayino ki taarif se abh dil behlata nahi hei mera
mein teri aankhon ki chamak mein sanvarna chahti hu

khuli baahon se mujhe apne bhitar kanhi chupa lena
teri saanson ki aut mein jeevan bitana chahti hu

baahein felaye bula rahi hei mujhe meri justaju
puri duniya ko bhul ke mein aaj behakna chahti hu

madham si roshni mein bikhrte jazbaato ka sailaab
mein iss ek hi pal mein abh jeevan guzarna chahti hu

~~~~~~~~~~~~~~~~~~~~~~~~~~~~~~~~~~~~~~~~
Written By Ritu Roy – Copyright Reserved
Written On 1st Feb 2012 – 21:50 Hrs Wednesday
~~~~~~~~~~~~~~~~~~~~~~~~~~~~~~~~~~~~~~~~

Leave a Comment