by Surendra Shrivastava<BR><BR>
Khamoshi soonapan aksar
Dard ko kheench laata hai
guzarta hua har pal
Jaise ant ko sameep laata hai<BR>
Bante bante nai pratima
Purani hoti jaati hai
Uthhati hui swar lehri
Shoonya mein kho jaati hai<BR>
Patjhar prakriti jaan ke bhi
Bagiyaa ko sajaate rehte hai
Parichit swapn nikharta se
Swapn ko zindagi de dete hai<BR>
Phool ke bhram mein aksar
Kaanton se takraate hai
Nimish maatra mann behlaane
qismat ko saamne karte hai<BR>
Bahut kathhin hai bahut kathhin
Insaan ko insaan banaa rehna
Taya karte hai aarambh mein
par kathhin uska poora karna<BR>
Jyot ki pyasi aatma ko
kyaa maalum kab kiran mile
duniya ke shor se doori ke
Kis prayaas mein kab too mile<BR><BR>